जिल्ला खेलकुद विकास समिति स्याङजाको अयोजनामा बैशाख २ गतेबाट स्याङजाको खेल मैदान मालेबगरमा नबौं राष्ट्रपती कप हुने भएको छ । गण्डकी प्रदेश स्तरीय हुने राष्ट्रपती कपको लागि खेलाडी छनौट गर्न राष्ट्रपती कपको अयोजना गरिएको हो ।
जिल्ला समन्वय समिति प्रमुख सिता सुन्दासको अध्यक्षतामा भएको बैठकले भव्यताका साथ राष्ट्रपति कप सम्पन्न गर्ने निर्णय गरेको छ । बैठकलाई सम्बोधन गर्दै प्रमुख सुन्दासले नबांै राष्ट्रपति कपलाई सबै मिलेर सम्पन्न गर्न र सबैले सहयोग गर्न अनुरोध गरिन् ।
बंैठकमा पुतलीबजार नगरपालिका प्रमुख सिमा कुमारी क्षेत्रीले राष्ट्रपति कपमा आवश्यक पर्ने विभिन्न सहयोगहरु उपलब्ध गराउने बताएकी थिईन् । प्रमुख क्षेत्रीले बैठकमा स्थानीय तहको प्रतिनिधित्व गर्दै खेलका माध्यमबाट धेरै विकास गर्न सकिने बताउदै खेललाई व्यवस्थीत बनाउनुपर्नेमा जोड दिईन् ।
प्रतियोगितामा जिल्ला भरका विद्यार्थी खेलाडीहरुको सहभागीता रहने छ । प्रतियोगितामा भलिवल, कबड्डि, एथलिटिक्सका सबै विधाहरु र मार्शल आर्टका कराते र तेक्वान्दोमा खेलडीहरुले प्रतिसपर्धा गर्ने जिल्ला खेलकुद विकास समितिका कार्यालय सचिव विशाल राजबाहकले जानकारी दिए । राष्ट्रपती कप तीन दिन सम्म संचालन हुने उनले जानकारी दिए ।
No comments:
Post a Comment
Welcome To BIKRAM SHAHI