स्कुल अफ डेमोक्रेसी स्याङ्जाले निशुल्क एम्बुलेन्स सेवा संचालन गर्दै

स्याङ्जा, ६ जेठ । स्कुल अफ डेमोक्रेसी स्याङजाले कोरोना संक्रमितका उपचारार्थ निशुल्क एम्बुलेन्स सेवा संचालन गर्ने भएको छ ।

राजनैतिक अधिकारका साथसाथै मानवीय अधिकार स्वास्थ्य, शिक्षा, रोजगार लगायतका क्षेत्रमा क्रियाशिल डेमोक्रेसीले यही जेठ १० गतेदेखि निशुल्क एम्बुलेन्स सेवा संचालन सुरु गर्ने भएको हो ।

जिल्ल्लामा कोरोना संक्रमितसंगै मृतकको संख्या पनि बढ्दै गएको छ । यस्तो अवस्थामा थप उपचारका लागि पोखरा तथा सुबिधा सम्पन्न अस्पतालमा लैजानु पर्दा थप एम्बुलेन्स पनि आवश्यक भएकाले डेमोक्रेसीले निशुल्क एम्बुलेसन्स संचालन गर्ने निर्णय गरेको हो ।

यहाँका ११ वटै पालिकालाई लक्षित गर्दै सेवा उपलब्ध गराउने गरी सेवा संचालनमा ल्याइने भएको स्कुल अफ डेमोक्रेसी स्याङजाका अध्यक्ष ई. अनुप श्रेष्ठले जानकारी दिनुभयो । उहाँले भन्नुभयो, ‘हाम्रा सामाजिक उत्तरदायित्व अनुरुप जिल्लाभर समेट्ने गरी विपन्न वर्ग लक्षित निशुल्क एम्बुलेन्स सेवा’ संचालन गर्नेछौं ।



सबै पालिकामा गठित डेमोक्रेसी पालिका संयोजकले बिरामी तथा उनका परिवारँंग समन्वयगरी अस्पतालसम्म पुर्याउने ब्यवस्था मिलाइएकोे उहाँले बताउनुभयो ।

परोपकारी अभियानको सहयोगका लागि भन्दै पोखरा महानगरपालिका पृथ्वीचोकस्थित होटल तिरुपतिका संचालक प्रल्हादजंग मरासीनीले अभियान अवधिभर निशुल्क एम्बुलेन्स गाडी उपलब्ध गराउनुभएको छ ।

उहाँले आफुले प्रयोग गर्दै आएको सवारी साधनलाई एम्बुलेन्सका लागि उपलब्ध गराउनु भएको हो । उहाँ पुतलीबजार नगरपालिका ३ स्याङजाबासी हुनुहुन्छ । साथै डेमोक्रेसीका पुतलीबजार नगर संयोजक पनि ।

परोपकारी तथा सामाजिक सेवामा सहयोगगरी सफल बनाउन सम्पूर्ण राजनीतिक दल, सामाजिक संघसंस्था, बिद्यार्थी संगसंगठन, स्वदेश तथा विदेशमा रहनुहुने दाजुभाई दिदीबहीनी सबैलाई डेमोक्रेसी स्याङजाको अनुरोध गरेको छ ।

स्कुल अफ डेमोक्रेसीले जिल्लाका सबै पालिकामा आफना संजाल बिस्तार गर्दे संजाल मार्फत बिभिन्न सामाजिक सेवा गर्दै आएको छ ।